بل گیٹس نے پولیو کے خلاف مہم چلانے پر عمران کو خراج تحسین پیش کیا

دنیا کے امیر ترین آدمی اور مائیکروسافٹ کےمالک بل گیٹس نے عمران خان کو پولیو کے خلاف ’صحت کا اتحاد‘مہم چلانے پر خراج تحسین پیش کیا ہے۔تفصیلات کے مطابق بل گیٹس کا کہناتھا کہ عمران خان کی مہم ’صحت کا اتحاد‘ کی وجہ سے پولیو کو کافی حد تک کم کرنے میں مدد ملی ہے۔ان کامزید کہنا تھا کہ کراچی میں پولیو کی صورتحال کا فی گھمبیر ہے اس کو کنٹرول کیا جانا چاہیے۔عمران خان کاکہنا تھا کہ وہ پولیو کے خاتمے کیلئے بل گیٹس کی خدمات کو سراہتے ہیں ۔ان کامزید کہنا تھا کہ نقل مکانی کی وجہ سے خیبرپختونخوا میں پولیو پھر سے پھیل گیا ہے جس کو روکنے کی مکمل کو شش کی جارہی ہے۔